張晨:我好怕你嘅「我講下之嘛」
22‧1‧2015 / HE EATS

其實男人好簡單,甚至簡單到你唔信。
有時做足幾日嘢,成個人軟皮蛇一樣,將僅存嘅最後一點魔法值都用喺「Book位食飯」同「網上購票」身上。
喺呢種精神狀態底下,佢只係希望你句句真話。真話有個好處,就係入耳,瞬間消化,正所謂「有個句講嗰句」。
但女仔好多時都係敵唔過「口是心非」。

閱讀更多......

其實男人好簡單,甚至簡單到你唔信。
有時做足幾日嘢,成個人軟皮蛇一樣,將僅存嘅最後一點魔法值都用喺「Book位食飯」同「網上購票」身上。
喺呢種精神狀態底下,佢只係希望你句句真話。真話有個好處,就係入耳,瞬間消化,正所謂「有個句講嗰句」。

但女仔好多時都係敵唔過「口是心非」。
「你鐘意呢間日本餐廳定嗰間意大利嘢呀?」基本上呢個問題得3個答案,就是日本、意大利或者其他。而其實3個答案個男仔都接受。
日本好嘅就入去啦、想意大利咪行過去囉、兩樣都唔OK嘅前面仲有麥記、雞記,總之餓你不死,餵得你起。
可惜女仔都係扭扭擰擰,用咗5分鐘零59秒先嗡一句:「無所謂嘅...」
當時佢個樣同厭食症嘅病人都差唔多。「你為甚麼要放棄治療?」男人心中得返呢句。
點都好,你話「無所謂」我就信你「無所謂」。日本菜We are coming!仲記得西遊記柴霞仙子講過:「我估中個開頭,但估唔中個結局。」現代愛情約會就話俾你聽:「開壞咗個頭,分分鐘結局都見唔到。」
一坐底佢已經粒聲唔出,你知道「呢次大檸樂」啦...見到佢連厚切三文魚刺身都無動於衷嘅時候,你知道佢一定會發爛渣,差在係「幾時」同「邊度」。
咁激動嘅時刻你真係想留返把長頭髮,高歌「時間~和人物地點~~~~願一巴刮面~~~即刻變無面」因為即使「時間地點」待定,但「人物」就一定係自己,你可以做嘅,就係盡力笑笑口,希望將火山爆發嘅一刻延遲。
終於食完飯,喺車站前面你諗住送佢返屋企。
點不知佢突然溫柔一笑、迴光返照:「算啦,都知你今日好攰,我自己返去得啦,你快啲抖下啦。」You see the angel!
當然你都會補一句:「唔好,我送你啦。」而理所當然,佢會笑住講:「我‧都‧話‧我‧自‧己‧返‧去‧」

OK Fine,你揮手道別。

親眼望住佢上車,而你今晚亦無俾人發脾氣。
嗰種感動就好似外賣仔同斷水流大師兄激戰三個回合成功生還,跪係擂台嘅中振臂高呼:「呀~~~我無死到呀!!」
不過快樂嘅時光過得特別快,唔使3秒就同你講拜拜。電話wtsapp傳嚟一句:「你真係唔送我...」
你個嘴O到冬甩都塞得落,成個人好似相機較咗Effect咁,變咗黑白色。
同時你想應佢「What 7 You Said?」當然你淆底啦,所以你禮貌咁覆:「嗯...你唔係話今日唔想我送咩?」
唔使兩秒,電話再次震動。終於嚟啦...佢嘅必殺絕技「盧山昇龍霸」已經準備就緒...
「我講下之嘛!」

K.O!Perfect Win!

你心諗:「講下?你嗰下明明好決絕喎...」
此時電話震動不斷...分別係「仲有呀...」「你明明知我兩日前先同Mary食完日本嘢,我係唔會三日內食兩次日本嘢架!你知架!」
「Sorry...我真係唔知。」當然呢句係心底句。
你覆佢「咁你有次食日本嘢時又話好好食,日日食都唔厭嘅...」
「我嗰次講下之嘛!你連我講真同講下都分唔到呀?」佢回得好快,歷史上咁快。只有嗌交先會覆得咁快,平時等佢一句「返到屋企」閒閒地都要三四...日...
連中兩下「我講下之嘛」,你都已經「無嘢好講...」
加上你記得有一次自己講咗啲無聊笑話,激到佢好嬲。當時你都有出呢招「我講下之嘛」。而佢嘅回覆係「有啲嘢講咗就係講咗!無得講下架!你明唔明呀。」
「Sorry,我真係唔明...」佢明顯有成班聖鬥士附身,咩「盧山昇龍霸」、「天馬流星拳」、「鳳凰幻魔拳」...應有盡有。照計戰鬥力佢有16000,你頂盡得689...一定輸...得689邊有得贏架?Right?
「不如以後大家都有嗰句講嗰句呀?好嗎?」這是你心中的最後一句。

其實,兩個人可以如此「簡單」就好了。可惜,如此美好,我哋就唔使沉淪喺呢個「估惑地獄」入面...
有時女孩子心思細密,亦都太過細密。

如果見到男友真係好攰,不妨從大方向諗,欣賞佢仲會主動搵地方同你拍下拖。
唔鐘意佢嘅選擇,食完先好聲好氣話佢知,
只要佢知你體諒佢,男人就會充滿力量。

HAR16003C/AUG

男人多數好忍得,但當佢爆發嗰下破壞力都好強架!!!有時撒嬌鬧牌氣無問題!但有時都記得氹下男人~因為愛你的人一般易氹

我昅女,不代表我花心
13‧8‧2014 / HE LOVES

「愛美之心,人皆有之。」女生愛美,愛在自己身上,但男生呢?他們的愛美,愛了在她她她身上。

閱讀更多......

「愛美之心,人皆有之。」女生愛美,愛在自己身上,但男生呢?他們的愛美,愛了在她她她身上。

每次我們逛街,突然有情侶停下的時候,往往是女生問,「你頭先望緊咩?」,而我們也會「心照」知道這並不是疑問句,而是反問句。更尷尬的是,當我們和幾位兄弟出街時,我和阿輝的相視一笑,便會使你「起茅」,大叫「望咩呀?」,把我們丟在後頭。

昅,這回事,好像好難解釋,又好容易解釋。每天吃同一味飯,我們需要一點新的……餸,飯不會變,但餸總可有所不同,沒有了新的餸,飯便見得愈來愈空洞。更何況,當我不昅時,那「物體」便會有點懊惱,做一點小動作讓我昅。為了防止這件事發生,所以我便早早「昅」了。

我昅女,並不關你/你的外表事。但每每我昅女時,你更開始質疑自己,「係咪我唔靚呀?」「係咪佢靚過我呀?」而我,卻從不會問你「個手袋係咪型過我呀?」,因為我昅的女和你,有如手袋和人,是兩類,而不是同類。

給自己一點信心,不要把自己歸類為我「會昅的女生」,你是我「最愛的女生」呀。

HAR16003C/AUG

台灣名主持人陶晶瑩說過,與其叫他不要看,倒不如和他一起看。

有好看的女生不妨大方地和你評頭論足,他在昅女時也可順著他的目光,看個夠。慢慢讓他對庸脂俗粉審美疲勞﹣﹣而不是對你審美疲勞呀!

認識球鞋 關於球鞋的七件事
13‧8‧2014 / HE PLAYS

球鞋,顧名思義,即有便於球賽、打球時穿的鞋子。但對於男生而言,球鞋絕不只限於運動場上,更是平日穿著的必備之選。 不少女生覺得球鞋很重,但球鞋對男生的價值和意義,比它的重量來得更重。

閱讀更多......

球鞋,顧名思義,即有便於球賽、打球時穿的鞋子。但對於男生而言,球鞋絕不只限於運動場上,更是平日穿著的必備之選。 不少女生覺得球鞋很重,但球鞋對男生的價值和意義,比它的重量來得更重。如果他愛球鞋,或許妳需要知道以下七件事﹕

一、個性
Air Force 1霸氣、Adidas Superstar 街頭風、Reebok pump破格、Nike air max 藝術糅合科技......鞋子的外觀和實用性,往往表現出我們的外在內在美。

二、易襯
城中富豪鄭裕彤出入大小場合時,亦愛穿NIKE波鞋。余文樂穿上西裝時,要蹬上一對球鞋。為什麼你總覺得皮鞋型啲?若你高呼余文樂是有型,那我總不會是有病吧!

三、球星
演過一套戲的明星,其加持的服裝可加價十倍。Michael Jordon總共獲得6次總冠軍,5次最有價值球員,6次總決賽最有價值球員,10次入選年度NBA年度第一;Chris Paul得到三次NBA助攻王、六次NBA抄截王,他們加持的的波鞋價值之高,可以想像! (如果你背到以上內容,加分!)

四、質地和配色
球鞋常常有特別的質地和配色,大量運用金屬色、激光鐳射、閃光等。比如在2001年1月1號在日本出售的全銀AJ1,就牽起了一股炒賣的熱潮。

五、鞋楦
高筒籃球鞋特有鞋楦位,緊身貼腳,不容易擦損腳掌或生水泡。你覺我被鞋楦包得小腿好像短了一半時,我同樣不明白一對中看不中用的高跟鞋把你的腳都擦花了、又易「甩」,你為何要強穿呢?

六、復刻
復刻鞋款受到追捧,也許因為背後有張復刻卡,紀錄了每一雙球鞋背後鮮為人知的故事。在1994年,Michael Jordan第一次退役那年,Air Jordan II 復刻了,並推出了一張有球鞋標誌和經典故事的卡片,鞋迷稱之為「復刻卡」。其實有沒有復刻卡,每對球鞋背後,都會有一個故事。

七、我有得買什麼?
作為一個男生,可僅有的娛樂除了打機便是打波。在你們買衫買化妝品買護膚品買鞋買袋買這買那的時候﹣﹣

一對球鞋而已,給我們買吧。

HAR16003C/AUG

對一大堆不同名字、花花綠綠的波鞋無從入手?不妨主動約男朋友到波鞋街走一趟,請他為你上一堂波鞋補習課。

別以為男生不愛購物,作為波鞋精的他一到波鞋街,肯定興奮得像個大男孩,如數家珍地向妳介紹各樣波鞋常識,以後再說起妳就不用怕搭不上嘴了。

又想講電話?其實,我只想打機。
13‧6‧2014 / HE LOVES

打機,永遠是我們之間的一條,比黃河更闊的鴻溝。

當你看韓劇時,你會快快地說「唔講住啦」,而我也會識趣地掛線。但,當我在打機的時候,一句「唔講住啦」,耳邊會響起「打機?打機有咩用呀?打機係咪重要過我呀?」等等的反問句。當我打算來個一心二用,你總會識穿我的偽裝。

閱讀更多......

打機,永遠是我們之間的一條,比黃河更闊的鴻溝。

當你看韓劇時,你會快快地說「唔講住啦」,而我也會識趣地掛線。但,當我在打機的時候,一句「唔講住啦」,耳邊會響起「打機?打機有咩用呀?打機係咪重要過我呀?」等等的反問句。當我打算來個一心二用,你總會識穿我的偽裝。

打機。在你心目中,廢人活動的第一名。你認為它只為世界加了噪音,倒不如去做運動,出身汗。在我生命中,只有兩個女人會有如我推倒了一個老婆婆般嫉惡如仇,說打機的不是﹣﹣媽媽和你。媽媽想我有未來,不讓我打機。你想和我有未來,也不讓我打機。我明白了!每個不想我打機的人,都在怕沒有未來。

未來,未來,還未來。如果想有未來,打機是每一個男人需要的洞穴。男生有煩惱時,不是用口部運動來抒發的。我們靠的,是一雙手,一雙在電子遊戲中,可以主宰一切的手。平日,我的身份模糊。遊戲中,我卻可成為大將。在FIFA中,我是個足球員;在GTA中,我是個銀行劫匪;在Hitman中,我是個殺手;在CS中,我是個反恐精英……

無限的角色,無盡的任務,都使我感到滿足。投入另一個世界之中,漫遊在腦筋的跳動中,瞳孔或張或縮,來來回回,抒發出壓力。勝利,有多少人是人生勝利組?在打機中,我卻可「蠃」過一遍又一遍。讓我重獲力量!

打機,是想儲好能量值,再應付未來。
而你,卻每次都不讓我「急救」自己。

難道要到「無血」時,你才明白我?

HAR16003C/AUG

如果你的他沈迷打機,請你明白,除了娛樂,這也是他抒發情緒的活動。

將枸杞子加上菊花,用熱水沖泡飲用,可幫他明目養眼。

這時,才溫柔地向他投訴「不要再打機啦」。

車!有幾巴閉!
13‧6‧2014 / HE PLAYS

走在街上,讓男生停下來的,除了美人,便是香車。每一次,女生總用嗔怪的語氣叫,走啦,或叫也不叫,就這樣自己走了。我不知道,你是不屑我的貧窮,還是不明我對車子的欲望。

李白《長干行》裡有「郎騎竹馬來,繞床弄青梅」,小男孩騎在假的竹馬上,玩得不亦樂乎。每一個男人,在年少時期,都有騎著一交通工具的欲望。在原始人類社會中,男性主要負責狩獵活動,我們對手中的工具、武器有高度的關注和喜愛。 而車子,是精密機械的表表者,發動機、 底盤、車身、發電機等大組件,再加上曲柄連杆機構、燃料供給系統、冷卻系統、 行駛系統、轉向系統等等。光看名字,已可勾起我去了解它的渴望。

閱讀更多......

走在街上,讓男生停下來的,除了美人,便是香車。每一次,女生總用嗔怪的語氣叫,走啦,或叫也不叫,就這樣自己走了。我不知道,你是不屑我的貧窮,還是不明我對車子的欲望。

李白《長干行》裡有「郎騎竹馬來,繞床弄青梅」,小男孩騎在假的竹馬上,玩得不亦樂乎。每一個男人,在年少時期,都有騎著一交通工具的欲望。在原始人類社會中,男性主要負責狩獵活動,我們對手中的工具、武器有高度的關注和喜愛。 而車子,是精密機械的表表者,發動機、 底盤、車身、發電機等大組件,再加上曲柄連杆機構、燃料供給系統、冷卻系統、 行駛系統、轉向系統等等。光看名字,已可勾起我去了解它的渴望。

北京大學心理學碩士武志紅說:「開車滿足了男人的控制欲。」了解過它,又有誰不想擁有一個它,駕馭一個它?想它走就走,停就停;想它唱歌就唱歌,安靜就安靜;想它清涼有冷氣,想吹風可開窗。一切一切,盡掌於我的手中。追逐速度、力量、自由—這是「車人合一」的快感。

車子亦不止是代步工具,更是男生的身份象徵—古代以劍會友,今以車明己。你也是用goodyear eagle f1 asymmetric 2的?我會心一笑,你點點頭,明白了。情況就像,你在街上聽到有人在哼Joy division,大家相視一笑,盡在不言中。

車,男人自由的身驅。
心到,車到。

HAR16003C/AUG

車子是男人自由的身驅,但香港卻少有機會可嘗試賽車的滋味。

購買賽車體驗禮券,讓他暫時遠離煩囂,感受 G20開敞篷跑車的速度吧!

Ginetta G20賽車體驗 地點:亞洲其中一個最頂尖的賽車場﹣﹣珠海國際賽車場