張晨:我們悼念前度的方法
30‧4‧2015 / HE LOVES

其實男人並不是無情的動物,至少不像妳們想像般無情。
甚至乎只要我們用心對待過的對象,就會在腦袋中佔有一個位置,這個單位的租借期限不是一萬年,而是一生一世。

閱讀更多......

其實男人並不是無情的動物,至少不像妳們想像般無情。
甚至乎只要我們用心對待過的對象,就會在腦袋中佔有一個位置,這個單位的租借期限不是一萬年,而是一生一世。

兄弟們聚頭,都說最女友最難答的問題是:「你仲有無諗起佢!」
他們多支吾其辭,胡混過關。
面對同一問題,女孩可能比較灑脫,可以大聲叫喊:「沒有,我已完全沒理會這個人。」

相對之下,女孩子還是比較愛恨分明,我們即更易陷於愛恨交纏。
她們專情,所以絕情;我們糾纏不清,所以次次難明。

表面上,當我們結束一段感情,旁人看來我們回復得很快,或是連回復都省卻,立時就如普通人一樣,吃喝說笑,笑談風月。

但是,我們心中的秘密花園比其他人還要大,藏的事比她們也要多。有時聽親蜜的女性友人聊天,會頗羨慕她們的「姊妹」關係,無所不談,感情事更是話中重點。

而男人不是都有「兄弟」嗎?
對呀,而且我們都會談感情事,只是我們不是赤裸裸的。
因為大家都是「男人」,男人就是愛臉子的生物。
所以我們都會刻意掩藏自己「失意」的地方。
男人們談起感情,都是笑多於哭。
聊的是彼此的風光畫面,即使偶有失手,亦會刻意輕輕帶過。

這一個經歷過幾段感情的男人,表面毫髮無損。大家都覺得女人對他沒影響,甚至他早不會對「前度」這生物有任何印象。

雖然他不會對任何朋友在提起前度的種種;亦不會在Facebook呼天搶地;更遑論主動去說一句「你最近還好嗎?」
但他十年前耿耿於懷的人,十年後依然是念念不忘。

在每個曾經到達的地方都會遇上稱為回憶的鬼;
她之前的叮囑也化成生活的習慣;
在聯想之間的思想線索中總有她的身影來回穿梭。

一開始回想前度,他還是有點傷心。但隨時間過去,情感上慢慢起變化,會黯然、懊悔、懷念、憶記,最後習慣。

被認為無情的人,卻往往最多心。
有些苦澀的事,之所以難堪,全因無人分擔。
也許是幻想過度,總覺男人就應該是孤獨的一匹狼,獨自嚐辛。

我們沒有忘記任何一位曾在人生路上並肩走過的女人,她們早就入血入骨,蘊藏在血管上遊,被我們的皮膚掩藏,偷偷地遷進秘密花園。

記得一晚,阿強與我赤裸地分享愛情世界。我問他:「想不到,你對她們的事,都記得很清楚呀。」
他說:「對呀,記得太清楚,甚至有時清楚得想暫時忘記都做不到。」

我們絕少「放低」,很懦弱;只是不斷「累積」,很婆媽。
但這就是我們悼念的方法。

HAR16003C/AUG

可能他這輩子再沒有吐出妳的名字,只是很多事情他終其一生都沒有忘記。不需太在意男生還有沒有記得你,因為於男人而言,忘記前度是接近不可能的事。

張晨:在她面前像個大細路
15‧4‧2015 / HE LOVES

「你男朋友就好啦,事業型,又有風度又成熟。」閒時女士聽到別人稱讚自己的男友,妳都會嫣然一笑。旁人都以為她在幸福甜笑,其實她只是在傻笑。

因為這個事業型的他,只是旁人看到的一個影子,非實體。
身為他身邊的女人,亦只有你才知道妳脫下西裝的樣子。

閱讀更多......

「你男朋友就好啦,事業型,又有風度又成熟。」閒時女士聽到別人稱讚自己的男友,妳都會嫣然一笑。旁人都以為她在幸福甜笑,其實她只是在傻笑。

因為這個事業型的他,只是旁人看到的一個影子,非實體。
身為他身邊的女人,亦只有你才知道妳脫下西裝的樣子。

平時在同事面前,他總是走得筆挺自然,談吐斯文。
誰會知道他一回家就捲曲在沙發上,換上OverSize的短袖衫與波褲,將東西都掃在地上。

一些社交場合,被問及平日的興趣時,他多半會答:「聽聽音樂,看看書。」假日時的他卻是在電腦前撕殺:「強!下路呀!下路條友好肥呀!打咗嗰邊先啦」、「補血先啦!等我一嘢轟落去!」又或是拿著《蠟筆小新》一邊叫一邊笑。

會議之上,他一邊操控著Powerpoint,重點解釋這些數線表,運籌帷幄滔滔不絕。說的是專業名詞,支持自己的是業務數據。誰又想像到這個專業的男人閒時還會像貓一樣賴著自己,說一些疊字BB話來逗人歡喜。

其實一開始,妳也是被他專業的一面所吸引,但相處的時間長了,發現這個大細路的樣子也頗可愛。

人活在這個風急雲怒的大時代,總有自己的角色定位。為了工作為了生活,似乎也會為自己塗上一層油彩。只是當他回到自己最熟悉的環境,牽著最溫柔的手,還是會露出這個大細路的本性。

對呀,無論多強橫的人,還是有小孩子的一面。
就如你這個女強人,還不是曾為一個男人而變得怯弱無能?

HAR16003C/AUG

有時你可能會諗:「識佢嗰時明明好成熟,好Cool,點解好似有啲唔同?」只是他與你愈來愈親近,這才是他真正一面,男人也是人,即使60歲,一點點孩子氣還是保留住。不過你放心,與你出席公開派對,他還是會Chok出最佳狀態。

張晨:BB話,連核戰爭都可以化解!
1‧4‧2015 / HE LOVES

「你依家咩態度呀!」
「你咁惡做咩啫!」

都唔使講咁多,你已經Feel到龐貝古城嘅情境!龐貝古城即係咩?即係火山爆發俾火山灰完全覆蓋囉~

閱讀更多......

「你依家咩態度呀!」
「你咁惡做咩啫!」

都唔使講咁多,你已經Feel到龐貝古城嘅情境!龐貝古城即係咩?即係火山爆發俾火山灰完全覆蓋囉~

你有時都唔明,嗰日原本好好哋,諗住甜甜蜜蜜過一Day。但講錯一句足以致命!
想佢開心要用一百句,要激嬲佢就只需要半句!

點為止半句?即係「頂你個肺呀」,你嗡完「頂你..」佢已經會領悟出川劇最強奧義-「變臉」。
「你講多次!!」瞬間變臉,即時還撃!
世界大戰抹黑了宇宙,Can You Feel?

雖則我成日都提住自己要心平氣和,但人人都有情緒。
撞正嗰日心情麻麻,對面嗰個仲要窒頭窒勢,你真係想渣緊中指,大聲咆哮一句:
「你講夠未呀!你依個買衫要試四次,食飯要影十次相,仲有幾十個美圖APP係身嘅港女!你可恥!你唔體諒我!」

所謂愛嘅反面係恨呀,咁睇得佢你真係好愛佢。如果對方聽你咁講,會點?你死硬啦,因為佢仲愛你!你一句就還返俾你有突:
「無鬼用!!小小事搵我嚟出氣!你依個月薪同拎綜援差唔多,搭巴士成日俾少兩毫子,八達通仲要負錢嘅縮骨精!你食屎啦!」

你好難受,因為你真係成日俾少兩毫子…
去到依個位,大家都豁出去,所謂甜蜜晚餐變成「最後的晚餐」。

老友阿強就話,當你真係火山爆發嘅時候,不如試下用BB話。
一聽到BB話,我心底是拒絕的!喂,即係俊俊~欣欣~樂樂~盈盈~BB~咁喎…有啲難開口啫。

阿強就話,唔係叫你秒秒講,等你火爆時刻先出嘅殺手鐧,令火山沉睡。試諗一下,如果我嗰句變成「BB你講夠未呀!你依個買衫要試四次,食飯要影十次相,仲有幾十個美圖APP係身嘅可愛小公主!BB可恥!BB你唔體諒人!」淨係打字都毛管戙!

講真,你女友聽到你咁講,最多覺得你無厘頭,或者以為你壓力太大痴咗線。總而言之,當你BB話多幾句,你都慢慢平復返,就一笑而過。大家拖拖手手去食茶記。

其實BB話除咗甜蜜蜜時講,喺嬲到爆嘅時候都可以用。
作用同Msg嘅Emoji係一樣。

好多時,大大聲聲發洩,9成都後悔。咁不如用BB話!

BB話翻譯器: http://bit.ly/BBsaid

HAR16003C/AUG

雖然BB話係有啲肉麻,不過愛情係麻目嘅,想講咪講囉。不過有時發現身邊人心情唔好,大家都要遷就一下,就下就下,咁就一世架啦。

張晨:一句Yes/No好難答!
18‧3‧2015 / HE LOVES

前幾晚Mary打俾我,一拎起電話對面就傳嚟一陣驚天爆喊聲!
個震撼性比得上有個阿叔無拿拿用震撼聲「睇住呀!!!」同「而夜依野惹爺耶夜依野」
一個女仔可以喊得咁淒厲只有兩個可能性,就係「好唔開心」或者「好傷心」..

閱讀更多......

前幾晚Mary打俾我,一拎起電話對面就傳嚟一陣驚天爆喊聲!
個震撼性比得上有個阿叔無拿拿用震撼聲「睇住呀!!!」同「而夜依野惹爺耶夜依野」
一個女仔可以喊得咁淒厲只有兩個可能性,就係「好唔開心」或者「好傷心」..

正當我擔心Mary係俾人「捉人深處輪姦」想報警之際。Mary嚟個內心剖白:「我..我逼Edison表態,問佢究竟鐘意我定唔鐘意我,佢死都唔肯答!!Yes or No之嘛!真係咁難答咩!!唔鐘意咪等我死咗條心囉!鐘意咪一齊囉!佢好賤呀!!」

我即刻想Cut佢線。

因為呢句Yes or No,從來都唔易答。
呢個世界唔係得黑白,你問政府得定唔得,佢有邊次可以好瀟灑咁答「得」或「唔得」呀?佢哋都係用「施政藍圖」「公眾咨詢」再Crossover「有關當局」嚟耍你,簡單就係唔答囉。

好似Mary個Case咁,佢鐘意Edison,要人表態。Yes就一齊;No佢就死心。呢種一刀切嘅問題方法,男人真係唔知點答。
衰啲講句,佢唔答Yes其實已經答咗啦。
如果佢都當你女神,晨早已經狗衝咗。就算佢真係想Yes,都未必想呢家Yes,講真每個人不論男女,知道有人對自己有意思,就算唔想「呢家一齊」,都難保唔會「第日一齊」。買個保險就會令呢段感情維持「好感」狀態!

你可能會話「哇!咁拖住人唔會好自私咩?」
係呀,係有少少自私架。但人人都會自私,Edison唔開啲「空頭支票」俾Mary都算有品。佢大可以Say “Yes”之後騎牛搵馬,一有個更好嘅對象出現,就當Mary係鐵餅一樣使出全力「飛」佢出場邊。

同埋你諗下,Mary咁問法其實都係自私喎!佢逼人答個背後Meaning咪就係諗咗自己先。想即刻有個答案自己唔使煩。

就好似大家約去邊度食飯,之後加句「你話事啦」咁張個波拋俾人一樣!都係不負責任。

Mary會諗:「點解你唔答?」
個男人就諗:「點解你要問?」
其實佢無義務答你架。佢又唔係你邊個!

加上你問得yes/no,自己一定有個前設答案。而Mary心底當然係想Edison答yes啦。所以即使Edison答No,Mary都會問點解No。
咁Edison唔通直接一棍ban落去:「咁係唔鐘意呀嘛八婆!」
紳士係唔會咁絕架嘛!
所以咪又係話咩「做嘢好忙」/「未放底前度」/「想單身多一段時間」等等…
Mary聽到會點?
咪「我唔會咁痴身架」/「我幫你放底佢啦」/「咁你想單身到幾時,I WAIT FOR YOUUU」

Edison答咩都死,yes or no根本就係陷阱!
所以有時你發現身邊嗰位男士而對Yes/No問題笑而不語,唔代表佢逃避、唔代表佢唔尊重你。
係因為佢明白當你問Yes/No嘅時候,呢個問題根本就唔會隨住一個Yes or No嘅答案去結束。

HAR16003C/AUG

真係有心解決問題,一定要心平氣和,慢慢去同對方講自己嘅感受,唔好下下都出必殺技Yes/No,你強硬對方拳頭更硬!同埋男人呢,都係受軟多啲嘅...

張晨:別以為他會一直傻下去
22‧1‧2015 / HE LOVES

女孩子很多時候都認為自己是童話故事中的公主。
而童話故事有一個特點,就是結尾總是「王子與公主從此快快樂樂地生活下去」。

呢個時候問題嚟啦!點為知「快快樂樂地生活下去」呢?又點解本故事書唔寫埋落去呢?其實非常簡單。

閱讀更多......

女孩子很多時候都認為自己是童話故事中的公主。
而童話故事有一個特點,就是結尾總是「王子與公主從此快快樂樂地生活下去」。

呢個時候問題嚟啦!點為知「快快樂樂地生活下去」呢?又點解本故事書唔寫埋落去呢?其實非常簡單。

係故事入面王子為公主粉身碎骨咩都得,拎住把都唔知有無過ISO 9000嘅劍仔都夠彊去撼千軍萬馬、單拖成為7個小矮人嘅情敵、得對鞋都要玩全國強制性尋人。

傻事睇落多蘿蘿,但其實已經節錄哂王子呢世最「傻」嘅部份,咁未來點?咪就黎「快快樂樂地生活下去」囉,其實好平淡架咋!所以本故事書唔寫落去,因為真係「無咩好寫」,佢哋人生最精華係哂到。

子華神都講過,男人最浪漫嘅引擎可以開到240Km/Hr。但問題係個引擎開3日就會打柴!
嗰段時間掟灣飄移,加油落斜。驚奇、刺激、好玩,畢生難忘。
之但係當個引擎turn down之後會點?亦都係「快快樂樂地生活下去」。

個引擎未至少死哂,但一定唔會長開!
好多女仔個腦海都會記住「風馳電掣」嘅36小時,就好似童話書嗰36頁一樣。
佢哋意識唔到嗰36頁其實係講梗「3Day」內發生嘅事,而最後個句「王子與公主從此快快樂樂地生活下去」係記載梗之後36年嘅事。

所以好容易會覺得個男仔無咁著緊佢,激情已經淡化,自己就變咗悲劇主角,一個被「選上又愛過再始亂終棄」嘅女人,係「茱麗葉」加「林黛玉」再乘以「小龍女」咁慘。(切忽將小龍女幻想成陳妍希)

其實有時你慘,你男人更慘。因為你嘅要求等於要長開個「浪漫引擎」。佢即使愛你,都只係一個「基因生命體」。簡單啲,即係佢都會攰。

一段關係由熱戀漸趨平淡係正常不過嘅鐵則。係「無論你不接受亦必需要接受」嘅現象。如果有對情侶同你講「我同我老公廿幾年都係熱戀期」的話,一係佢呃你,一係佢哋根本無「熱戀」過,直入平淡。

坦白講,一個男人唔再做啲「瘋狂行為」唔代表佢對你無感情,佢唔傻落去係因為現實社會環境上,佢需要付出時間喺其他範疇上。同時對你已經產生一定安全感,認為大家可以平淡自然地成為彼此生活嘅一部份。

「浪漫引擎」唔係日日開,做好保養,因為每年仲有聖誕、生日、除夕、情人節、周年紀念等等要郁一郁,年期八十年。正好就係一句「王子與公主從此快快樂樂地生活下去」。

HAR16003C/AUG

女孩總擔心他會變。但「變」是不可避免。變得冷淡是心痛;變得平淡是幸福。我知妳們都是公主,他們也還是當妳們是公主,只是你不再沉睡於巫女的魔咒之中,而是手牽手與他「快快樂樂地生活下去」。