張晨:我好怕你嘅「我講下之嘛」
22‧1‧2015 / HE EATS

其實男人好簡單,甚至簡單到你唔信。
有時做足幾日嘢,成個人軟皮蛇一樣,將僅存嘅最後一點魔法值都用喺「Book位食飯」同「網上購票」身上。
喺呢種精神狀態底下,佢只係希望你句句真話。真話有個好處,就係入耳,瞬間消化,正所謂「有個句講嗰句」。
但女仔好多時都係敵唔過「口是心非」。

閱讀更多......

其實男人好簡單,甚至簡單到你唔信。
有時做足幾日嘢,成個人軟皮蛇一樣,將僅存嘅最後一點魔法值都用喺「Book位食飯」同「網上購票」身上。
喺呢種精神狀態底下,佢只係希望你句句真話。真話有個好處,就係入耳,瞬間消化,正所謂「有個句講嗰句」。

但女仔好多時都係敵唔過「口是心非」。
「你鐘意呢間日本餐廳定嗰間意大利嘢呀?」基本上呢個問題得3個答案,就是日本、意大利或者其他。而其實3個答案個男仔都接受。
日本好嘅就入去啦、想意大利咪行過去囉、兩樣都唔OK嘅前面仲有麥記、雞記,總之餓你不死,餵得你起。
可惜女仔都係扭扭擰擰,用咗5分鐘零59秒先嗡一句:「無所謂嘅...」
當時佢個樣同厭食症嘅病人都差唔多。「你為甚麼要放棄治療?」男人心中得返呢句。
點都好,你話「無所謂」我就信你「無所謂」。日本菜We are coming!仲記得西遊記柴霞仙子講過:「我估中個開頭,但估唔中個結局。」現代愛情約會就話俾你聽:「開壞咗個頭,分分鐘結局都見唔到。」
一坐底佢已經粒聲唔出,你知道「呢次大檸樂」啦...見到佢連厚切三文魚刺身都無動於衷嘅時候,你知道佢一定會發爛渣,差在係「幾時」同「邊度」。
咁激動嘅時刻你真係想留返把長頭髮,高歌「時間~和人物地點~~~~願一巴刮面~~~即刻變無面」因為即使「時間地點」待定,但「人物」就一定係自己,你可以做嘅,就係盡力笑笑口,希望將火山爆發嘅一刻延遲。
終於食完飯,喺車站前面你諗住送佢返屋企。
點不知佢突然溫柔一笑、迴光返照:「算啦,都知你今日好攰,我自己返去得啦,你快啲抖下啦。」You see the angel!
當然你都會補一句:「唔好,我送你啦。」而理所當然,佢會笑住講:「我‧都‧話‧我‧自‧己‧返‧去‧」

OK Fine,你揮手道別。

親眼望住佢上車,而你今晚亦無俾人發脾氣。
嗰種感動就好似外賣仔同斷水流大師兄激戰三個回合成功生還,跪係擂台嘅中振臂高呼:「呀~~~我無死到呀!!」
不過快樂嘅時光過得特別快,唔使3秒就同你講拜拜。電話wtsapp傳嚟一句:「你真係唔送我...」
你個嘴O到冬甩都塞得落,成個人好似相機較咗Effect咁,變咗黑白色。
同時你想應佢「What 7 You Said?」當然你淆底啦,所以你禮貌咁覆:「嗯...你唔係話今日唔想我送咩?」
唔使兩秒,電話再次震動。終於嚟啦...佢嘅必殺絕技「盧山昇龍霸」已經準備就緒...
「我講下之嘛!」

K.O!Perfect Win!

你心諗:「講下?你嗰下明明好決絕喎...」
此時電話震動不斷...分別係「仲有呀...」「你明明知我兩日前先同Mary食完日本嘢,我係唔會三日內食兩次日本嘢架!你知架!」
「Sorry...我真係唔知。」當然呢句係心底句。
你覆佢「咁你有次食日本嘢時又話好好食,日日食都唔厭嘅...」
「我嗰次講下之嘛!你連我講真同講下都分唔到呀?」佢回得好快,歷史上咁快。只有嗌交先會覆得咁快,平時等佢一句「返到屋企」閒閒地都要三四...日...
連中兩下「我講下之嘛」,你都已經「無嘢好講...」
加上你記得有一次自己講咗啲無聊笑話,激到佢好嬲。當時你都有出呢招「我講下之嘛」。而佢嘅回覆係「有啲嘢講咗就係講咗!無得講下架!你明唔明呀。」
「Sorry,我真係唔明...」佢明顯有成班聖鬥士附身,咩「盧山昇龍霸」、「天馬流星拳」、「鳳凰幻魔拳」...應有盡有。照計戰鬥力佢有16000,你頂盡得689...一定輸...得689邊有得贏架?Right?
「不如以後大家都有嗰句講嗰句呀?好嗎?」這是你心中的最後一句。

其實,兩個人可以如此「簡單」就好了。可惜,如此美好,我哋就唔使沉淪喺呢個「估惑地獄」入面...
有時女孩子心思細密,亦都太過細密。

如果見到男友真係好攰,不妨從大方向諗,欣賞佢仲會主動搵地方同你拍下拖。
唔鐘意佢嘅選擇,食完先好聲好氣話佢知,
只要佢知你體諒佢,男人就會充滿力量。

HAR16003C/AUG

男人多數好忍得,但當佢爆發嗰下破壞力都好強架!!!有時撒嬌鬧牌氣無問題!但有時都記得氹下男人~因為愛你的人一般易氹

男生是用飯做的。
13‧6‧2014 / HE EATS

有人說,女生的浪漫,是粉色系的。那男生的浪漫,應該是大地色系的,比如啡色的豆腐火腩飯。泥黃的茶餐廳,是很多男人的「米芝蓮」,我們對於滿足的定義,不外乎「平、肉、飯、飽、鑊氣」幾個大字。

女生是用麵做的,而男生是用飯做的。小學時,被叫作「大舊飯」的總是個肥仔。長大了談戀愛,十個有九個女朋友,每餐不是意粉便是拉麵,最港式的也是米線,沒有一個愛吃飯的。女生從不會明白,多飯對男人而言,是一種力的表現。一大碗軟熟甘香的「靚仔」,加上多汁有勁的火腩,軟硬兼備,能量值比意粉高幾倍。

閱讀更多......

有人說,女生的浪漫,是粉色系的。那男生的浪漫,應該是大地色系的,比如啡色的豆腐火腩飯。泥黃的茶餐廳,是很多男人的「米芝蓮」,我們對於滿足的定義,不外乎「平、肉、飯、飽、鑊氣」幾個大字。

女生是用麵做的,而男生是用飯做的。小學時,被叫作「大舊飯」的總是個肥仔。長大了談戀愛,十個有九個女朋友,每餐不是意粉便是拉麵,最港式的也是米線,沒有一個愛吃飯的。女生從不會明白,多飯對男人而言,是一種力的表現。一大碗軟熟甘香的「靚仔」,加上多汁有勁的火腩,軟硬兼備,能量值比意粉高幾倍。

沒有一個女生,明白豆腐火腩飯的好。我知,我知道錯的,其實不在火腩飯的營餐價值還是卡路里,錯的是,它的出身地!如果,它是含著金鎖匙出世,貴為四季酒店中菜部的頭號小菜之一的話。也許它便會是你心目中的「約會必食之選」。在茶餐廳出生的它,你只覺適合中年男子。像我(或是你所想的我)這樣,不該和阿叔們擠在一起,狼吞虎嚥,難成大事。

我食豆腐火腩飯,就代表了我是豆腐火腩飯。一個草根仔,只有尋常男子的隨性、率意、不拘小節,粗線條得很﹣﹣不夠如偶像劇男主角般浪漫。

正正是豆腐火腩飯,才性價比強!三十蚊一餐,給你溫飽,還有加底,任勞任怨。識揀,一定揀豆腐火腩飯。

HAR16003C/AUG

如果你的「他」投訴你不會欣賞豆腐火腩飯,一個好的豆腐火腩飯,必定可令你大為加分。
帶他到觀塘的炳利飯店,來個豆腐火腩飯和一枝冰凍啤酒。工廠區工廠餐,率性自在。
懂得欣賞他的浪漫,你倆一定會更浪漫。
炳利飯店
觀塘勵業街熟食市場5號舖
招牌食品:豆腐火腩飯